早前一直忙于拍戏嘅林峯上王梓轩主持嘅《V My Guest》节目做嘉宾,罕有大谈感情事,大谈自己择偶条件之余,从心理测试当中知道林峯希望同边位做隔离邻舍,更爆出“最想同居嘅对象”,王梓轩更即兴提出想同林峯组成唱跳组合“斗舞”,场面爆笑又热闹。

另一半最紧要价值观相同:入得厨房出得厅堂

一直忙于工作嘅林峯对感情事向来保持神秘,但遇上好朋友王梓轩嘅“快问快答”就罕有老实作答,最紧要自己同另一半价值观要一样,都钟意食嘢要持家有道,择偶条件就系“入得厨房出得厅堂”,煮嘢食要叻过自己,当被问到会唔会同另一半一齐做嘢拍MV,林峯大方表示绝对唔会!因为见到对方就会会笑场,都系公私分明好啲。

林峯最想和谢霆锋“同居”识煮饭嘅邻居最好不过

每一位上《V My Guest》节目嘅嘉宾都会通过王梓轩特别设计嘅心理测验,今次为林峯设计嘅系系一栋公寓里面,要安排自己曾经合作嘅艺人朋友们入住系自己嘅附近,当中可以拣嘅男艺人包括:三哥苗侨伟、古天乐、谢霆锋、MC JIN欧阳靖、郑恺、吴卓羲;女艺人包括:杨千嬅、蔡卓妍、佘诗曼、徐子珊、周丽淇、迪丽热巴等等。林峯爆料因为谢霆锋好叻煮嘢食,所以安排住系自己楼下,方便可以去佢屋企食好嘢,至于识咗好多年嘅吴卓羲因为互相了解所以可以住系自己楼上,阿Sa蔡卓妍因为讲嘢斯文细声所以可以住系自己右边,林峯非常搞笑咁安排周丽淇住入自己间房,佢话因为Niki系自己嘅姐姐,三哥苗侨伟、阿佘、郑恺、迪丽热巴都住系周围附近,理由多数系识煮饭或者可以帮林峯搬家,劲爆笑!估唔到最后测试出林峯最想同霆锋“同居”,林峯听后都开始大笑,阿Sa嘅结果系林峯最好的朋友,佘诗曼则系林峯会分享烦恼嘅朋友,吴卓羲系林峯偷偷钟意嘅人,讲到呢度,林峯话:我唔系偷偷地钟意吴卓羲,我系公开话自己钟意佢呀!十分幽默,更大赞心理测验真系有啲料到!

林峯亦有系访问里面提到自己拍戏嘅种种辛酸,包括第一次要剃光头饰演皇太极嘅《独步天下》,仲有全身要沾满毛嘅《大泼猴》,好在系演唱会之前训练到体能唔错先可以应付自如。倾到最后,王梓轩提出要同林峯组成唱跳组合,大玩即兴加速演绎林峯跳舞歌曲,玩到唔舍得停,画面搞笑又热闹,难得一见。